~¤(( واحة الشيخ عادل للدروس الإيمانية ))¤~

[color=green]هذه دعوة لكم اخواني واخواتي في الله للتجول معي

في رحاب هذه الرسالة السماوية التي أكرمنا الله بها

حين بعث بها خاتم النبيين وإمام المرسلين

اتمنى ان نستفيد جميعا من هذه الدروس التي سيتم

اضافتها في هذه الصفحة التي ستسعد بمروركم بها

----------

[color:bb72=purple:bb72]قانون سيدنا آدم عليه السلام..

نستكمل النهاردة الجزء الماضى من طبيعه الرساله التى اختارها الله لتكون ختام الرسالات


الله سبحانه و تعالى.. خلق الكون بنظام دقيق جدا.. و ثابت جدا..

و جعل هذا النظام محكوم بقوانين ثابتة.. مابتتغيرش.. و أمرنا اننا نستكشف هذه القوانين.. و نستغلها..
" قُلْ سِيرُوا فِي الْأَرْضِ فَانْظُرُوا كَيْفَ بَدَأَ الْخَلْقَ ثُمَّ الله يُنْشِئُ النَّشْأَةَ الْآَخِرَةَ إِنَّ الله عَلَى كُلِّ شَيْءٍ قَدِيرٌ
(20)". سورة العنكبوت

الله سبحانه و تعالى خلى الحياة زي قفل الخزنة..

محتاجين نبحث عن الترتيب الصحيح للأرقام اللي يفتح قفل الخزنة..

عشان نقدر نوصل للي جواها

وجعل الخزنة متاحة لكل الناس.. المسلم و الكافر.. و اللي يعمل.. ويبحث..
يستحق يوصل الى ما بداخل الخزنة..

القوانين ثابتة..

و بتجيب نتيجة مع أي حد يستخدمها.. أيا كان عمره أو جنسه أو انتماءه

و نحن نريد ان نطلع من السيرةالنبويه هنا .. بإننا نستكشف القوانين دي من خلال حياة النبي"

صلى الله عليه وسلم

و اليوم نقدم أول قانون.. الأساس اللي قامت عليه كل القوانين اللي هاتقابلنا بعد كده

قانون سيدنا آدم عليه السلام

تخيل كده سيدنا آدم.. بعد ما نزل الى الأرض.. هل كان فيه أي حد على الأرض يشتغل بداله؟

.. يزرع بداله؟

يبني بداله؟؟

سيدنا آدم بعدما نزل الى الأرض. تحمل مسئولية وجوده بنسبة 100%..
و ده اللي محتاجين نتعلمه قبل أي شئ..
ما أكثر الكلام اللي بنسمعه و نقراه عن النجاح و تنمية الذات..

و لكن يا ترى.. كم من الناس اللي بيقرأوا و بيستمعوا بينفذوا اللي اتعلموه؟

قليل جدا..

و الغريب انهم بعد كده بيتساءلوا..

ليه ياترى بعد ماحضرنا المحاضرات دي كلها و قرينا الكتب دي كلها.. حياتنا ما اتغيرتش؟؟؟

اللي عاوز ينجح في الامتحان.. مابيجيبش حد يذاكر بداله..

و اللي عاوز يخس.. مابيجيبش حد يعمل ريجيم بداله..

لازم انت اللي تشتغل و تطبق.. عشان تلاقي نتيجة

انا كل اللي هاعمله هو اني هاديك خريطة الطريق.. لكن انت اللي هاتسوق العربية.. مش انا..


أول قانون.. مفتاح القوانين كلها
..
تحمل مسئولية حياتك بنسبة 100%.. كن كآدم عليه السلام

اتحمل مسئولية الشئ الوحيد اللي ماحدش بين الخلق يقدر يغيره إلا انت..

و هو نفسك

انت ماتقدرش تغير الظروف اللي حواليك.. ولا تقدر تغير المواسم.. ولا درجة حرارة الجو..
لكن تقدر تغير نفسك..

من المفاهيم الغريبة.. التى بيستشعرها الانسان في تصرفات الناس حواليه.. هو إحساس الناس بان من حقهم انهم يعيشوا حياة مرفهة جدا.. و مرتاحة جدا.. و يكونوا ناجحين جدا في حياتهم و شغلهم
..
ماشى وما الغريب في ذلك؟

الإحساس ده في حد ذاته مش غريب.. الغريب انهم متخيلين ان فيه شخص ما.. في زمان ما.. و في مكان ما.. هو اللي هايحققلهم كل ده..
فيه حد تاني هو اللي لازم يشتغل و يتعب عشان يحقق ده.. أي حد.. إلا احنا
..
قليلين جدا اللي بيتحملوا المسئولية بجد.
و السبب في ذلك هو اننا اتعودنا اننا دايما نبحث على احد نلومه على أي شئ مش عاجبنا في حياتنا.. لازم نلاقي شماعة نعلق عليها الأخطاء

أي احد نحمله المسئولية و خلاص... أهلنا.. زمايلنا في الشغل... المدرسين.. المدير.. الإعلام.. الحكومة.. أي واحد و خلاص

ماحدش عاوز يواجه نفسه و يتحمل المسئولية بنفسه
..
عاملين زي جحا.. اللي ضاع منه مفتاح البيت داخل البيت..
فخرج يبحث عنه خارج البيت عشان الشارع فيه ضوء.. و البيت ضلمة

أول قانون بنتكلم فيه..
ان اللي عاوز يحقق أي نجاح أو إنجاز في حياته.. مايستناش حد يعمل له حاجة.. بل يتحمل المسئولية بنسبة 100%..


ونراكم ان شاء الله مع باقى الاجزاء